Too Faced 鑽光閃耀眼影盤｜淡妝、濃妝，一盒就搞掂晒｜iTRIAL用家分享

一直都有用開Too Faced既化妝品，覺得幾好用，所以今次就試埋佢既眼影盤。

平時一向都化開比較淡既妝，除非要去啲大場合！今次揀呢盒鑽光閃耀眼鏡盤，貪佢無論淡妝濃妝都可以handle到，而且顏色都做到互相配搭，混色上黎都無問題！

Text & Photo: Ting (IG：c.ookingbear)

實測 Too Faced 鑽光閃耀眼影盤 Pretty Rich Eye Shadow Palette

Too Faced 鑽光閃耀眼影盤 Pretty Rich Eye Shadow Palette

價錢：$380

產品介紹：與品牌標誌性產品“Diamond Highlighter 鑽石高光粉盒”同系列之鑽光閃耀眼影盤，設計同樣仿如鑽石項鍊盒般奢華，盒內藏著16款閃爍色調眼影，其鑽石粉末締造出獨一無二的鑽石彩虹亮光眼妝，以最純淨的閃耀光芒提升整個眼妝的亮澤度．其中4款更由壓縮啫喱質感製成的色調，令眼影更持久眼服於臉上。一盤眼影可以滿足日常、約會、派對等妝容的需要。

產品實測部分

質地：4分

覆蓋啞光、珠光、亮片多種質地，質地細滑，閃粉會有少少飛粉現象，但唔算嚴重，影響唔大。

顯色度：3.8分

由於呢盒眼影盤涵蓋既色種都幾多，普通顏色都顯色，唯獨是淺色既閃粉同太接近自己膚色既顏色需要塗多一層，深色啲既塗一層都已經會明顯見到有色。

我化既眼妝用上咗5隻顏色，分別係1號、5號、7號、9號同15號，顏色偏淺，塗咗兩層，呢個眼妝偏淡，日常外出化都無問題。

持久度：4分 

持久度就keep得唔錯，出完戶外加上強勁既太陽下，岀左汗都唔會點甩，最小都keep到7個鐘。

總評：

因為呢款鑽光閃耀眼影盤帶到出黎既變化比較大，實用性都幾高，日常淡妝可選用大地色系配搭，出席隆重場合或者派對亦都可以將眼睛化得好有光芒。一盒可以走天涯，價錢中規中矩，都會推薦入手。